«Абайла, қызым!»: Желіде қаза болған кеншінің соңғы бейнежазбасы тарады

Марқұм «Қызым, саған айтамын» термесін айтып, қызына арнап өсиет қалдырған

Коллаж: Qaz365.kz

Әлеуметтік желіде Қарағанды облысындағы Костенко атындағы шахтада қаза болған кенші Ақынжан Орақбаевтың соңғы бейнежазбасы тарады. Видеоны журналист Айсұлтан Жақыпов Facebook желісіндегі парақшасында жариялады, деп хабарлайды Qaz365.kz.

Видеодан қаза болған кеншінің Мейрамбек Беспаевтың орындауындағы «Қызым, саған айтамын» термесін айтып, қызына өсиет қалдырғанын көреміз.

«Марқұм Ақынжан Орақбаевтың соңғы жүктеген видеосы. Соңында қызы қалды. Келіншегінің аяғы ауыр екен... Марқұмның жаны жаннатта шалқысын», – деп жазады журналист.

Еске салайық, 28 қазанға қараған түні «АрселорМиттал Теміртау» кенішінде жарылыс болып, 46 кенші қаза болды.

Қазақстан Президенті Тоқаев «АрселорМиттал Теміртаумен» ынтымақтастықты тоқтатуды бұйырды. Қайғылы оқиға бойынша сотқа дейінгі тергеу басталды.

Үкіметте «АрселорМиттал Теміртау» АҚ акционерлерімен алдын ала келісімге келгені және кәсіпорынды Қазақстанның пайдасына меншік құқығына беру жөніндегі мәміленің аяқталып жатқаны хабарланды.

 

Loading...