Мұғалімдері журнал толтыру үшін тауға шығуға мәжбүр болған Аққұм ауылына интернет орнатуға уәде етілді

Желінің жоқтығынан электронды журналды толтыру үшін тауға шығуға мәжбүр болған Аққұм ауылы мұғалімдерінің жағдайы осыған дейін қызу талқыға түсті. Цифрлық даму министрлігі Түркістан облысы Аққұм ауылының тұрғындарына 20 Мбит/с интернет жылдамдығы мен шектеусіз трафикті қамтамасыз етуге уәде берді.

Сурет ашық дереккөзден алынған

Бұл туралы Stan.kz ақпарат агенттігі  Otyrar.kz порталына сілтеме жасап хабарлайды.

Министрлік бүкіл желіде тараған атышулы суреттен кейін жұмысқа кірісті. 

"Бұл ретте министрлік коммуникация саласында "Қолжетімді интернет" ұлттық жобасын әзірледі. Осы жоба аясында 3 мыңнан астам ауылды талшықты-оптикалық байланыс желісі арқылы жоғары жылдамдықты интернетпен қамтамасыз ету жоспарлануда. Олардың қатарында Аққұм ауылы да бар", - делінген хабарламада.

Еске салсақ, Түркістан облысы Қазығұрт ауданы Аққұм ауылының мұғалімдері электронды журналды толтыру үшін тауға шығуға мәжбүр болғандарын хабарлаған болатынбыз. Тіпті мектеп оқушылары информатика сабағын теориялық түрде ғана оқып жүрген екен. 

Loading...