"Денесін құдыққа тастау керек": қазақстандық блогер хейтерлерге арыз жазды

Әлеуметтік желілерде әйгілі блогер Заеда Онуора мен оның халықаралық отбасының кибербуллингі талқыланады

Коллаж: OnNews.kz

Белгілі блогер Заида Онуора Африка азаматына үйленген. Бір жасар баласы бар, отбасы Атырауда тұрады. Олардың некелері басынан бастап көпшіліктің қызығушылығын тудырып қана қоймай, қыздың парақшасында жазылатын жағымсыз пікірлер де аз емес,- деп хабарлайды OnNews.kz тілшісі.

Заида жағымсыз пікірлерді жинап, желідегі парақшасына сақтап қойған. Пікірлердің арасынан түрлі балағат сөздерді байқауға болады.

"Саптама етіктің астына салатын негр екен", "Аттың құйрығына байлап өлтіретін қатын бұндайлар", "Мына негір бай қылған мына қаншық тас атып өлтіру керек, баласын құдыққа батырып жоғалту керек", "Қазақтың жігітін таппадың ба бейшара?", "Шеркештің жігіттері мына қара бәлені қатынымен қосып елден қуып шығу керек қой", "Түрі құрсын, есалаң қыз киімге тиіп жүрсің?" - дейді олар.

https://www.instagram.com/5rochka/

Заиданың сөзінше, мұндай қадамға бекерден-бекер бармаған. Өйткені былтыр да осындай жағдай болыпты.

"Былтыр маусымда Атырау қаласының прокуратурасына жала жабу және кибербуллинг (әлеуметтік желіде балағаттау/қорлау) дерегі бойынша арыз жаздым. Менің өтінішім Нұрсая шағынауданының учаскелік полициясына жіберілді. Учаскелік полицейлер үйіме келіп, шағымым жоқ екені туралы түсініктеме алғысы келді. Бірақ оларға шағымым бар екенін және олай жазбайтынымды айттым. Бүгінде менің былтырғы арызым бойынша жауап жоқ", - дейді ол.

Блогер бұл жолы хейтерлер өзінен бөлек, бір жасар баласына балағат сөздер жазып жатқанын айтады.

"Тағы да хейттің астында қалдым, бірақ бұл жолы менің бір жасар балама қатысты болып отыр. Оны өлтіріп, құдыққа батырамыз деп қорқытып жатыр. Бүгін таңертең Атырау қаласының прокуратурасына тағы да арыз жаздым. Хейтерлердің суреттері мен парақшалары бар пікірлерді сақтап қойдым. 35 адам. Бұл - маған келетін хейттің тек 2 пайызы. Былтыр жазба жариялап, шу мен қоғамдық резонанс тудырғым келмеді. Бірақ, түсінуімше, шу шығармасаң, арыздар сөрелерде жата береді немесе корпоративтерде тортқа арналған ыдыс ретінде қолданылады", - дейді ол.

Атыраулық әйел оқырмандарынан көмек сұрап, құқық қорғау органдарын осы іске назар аударуға шақырған.

Айта кетейік, бұл жұп 2021 жылы шаңырақ көтерген болатын. Сол кезде де әлеуметтік желіде қара нәсілді жігітке тұрмысқа шыққан қазақстандық қалыңдық қызу талқыға түсті. Ұзату тойы кезіндегі суреттер Instagram-дағы бірнеше топта тарап кетті. Қазір олардың бір ұлы бар.

Loading...