Қайрат Нұртас жол ережесін бұзды деген күдікке ілінді

Әншінің жол ережесін өрескел бұзып жатқанын дәлелдейтін видео

turkystan.kz

Бұл жолғы даудың бел ортасында танымал әнші Қайрат Нұртас тұр, деп хабарлады turkystan.kz Ulysmedia.kz сайтына сілтеме жасап.

Әлеуметтік желілерде әншінің Жамбыл облысында жол ережесін өрескел бұзып жатқанын дәлелдейтін видео пайда болды, ол қарсы жолаққа шығып кеткен.

«Тағы да мәдениет жаңалықтары. Халықтың сүйікті әншісі Қайрат Нұртас Жамбыл облысының Қордай ауданына келіп, бірінші кезекте жүргізуші куәлігінен айыру қарастырылған жол қозғалысы ережесін өрескел бұзды», – делінген жазба сипаттамасында.

2023 жылдың 14 маусымында тағы бір әнші Төреғали Төреәлі есірткіге масаң күйде көлік жүргізіп, патрульдік көлікті қағып кеткен болатын. Апат салдарынан көліктерге механикалық зақым келген. Сот отырысында әнші іс материалдарында көрсетілген фактілерді растап, өкінетінін білдірді. артынша, 20 тәулікке қамауға алынды және жеті жылға жүргізуші куәлігінен айырылды.

Loading...