Түркиядағы жол апаты: Марқұм болған журналисттің күйеуі де қайтыс болды

Арайлым Бақытжанның күйеуі жол апатынан кейін ауыр жағдайда жансақтау бөліміне түскен болатын

baq.kz

Түркиядағы жол апаты салдарынан қаза болған әйелдің күйеуі де көз жұмды, деп хабарлайды BAQ.KZ.

Қазақстандық журналист Арайлым Бақытжанның күйеуі жол апатынан кейін ауыр жағдайда жансақтау бөліміне түскен болатын. ҚР СІМ мәліметінше, бүгін ол түркиялық ауруханада қайтыс болды. 

Ер адам жансақтау бөлімінде қайтыс болды. Бұл отбасының үш бірдей мүшесінің денелері Қазақстанға бүгін жеткізіледі, - деді ҚР СІМ ресми өкілі Айбек Смадияров.

Жантүршігерлік жол апаты үш адамның өмірін жалмады: ерлі-зайыптылар мен олардың екі жасар қызы. Олардың артында 2014 жылғы ұлдары қалды. Ол қазір туыстарының қасында.

Еске салсақ, 3 қыркүйекте Түркияда жол апаты болды. Туристерді тасымалдаған сафари көлігі жеңіл көлікпен соқтығысты, салдарынан сафаридегі жолаушылар көшеге ұшып кеткен. Оқиға орнында үш адам қаза тапты: қазақстандық және оның қызы, сонымен қатар ресейлік турист. Қазақстандық журналистің жұбайы мен баласы ауруханаға жеткізілді. Белгілі болғандай, сафари жолаушылары қауіпсіздік белдігін тақпаған, сол себепті ауыр соққы кезінде көшеге ұшып кеткен.

Loading...